ރާއްޖެ އާއި މޮރިޝަސްގެ ކަނޑުގެ ސަރަހައްދުން ފުށުއަރާ ސަރަހައްދު ދެ ގައުމުން ބެހުމުގެ މައްސަލައިގައި މޮރިޝަސްގެ ބޮޑުވަޒީރަށް ރައީސުލްޖުމްހޫރިއްޔާ އިބްރާހީމް ސޯލިހު ފޮނުއްވި ސިޓީފުޅު ލީކުވި ކަމަށް ބުނެ އެ ސިޓީއާއި ހަވާލާދީ މީޑިއާތަކުން ގެނެސްދީފައިވާ ހަބަރުތަކަށް ޕީޕީއެމުން ފާޑު ކިޔައިފިއެވެ.
އެ މައްސަލާގައި މިއަދު ޑރ. މުއިއްޒުގެ ކެމްޕޭނުގައި އުޅުއްވި ބޭފުޅަކު ވިދާޅުވީ މި ސިޓީ ލީކުކޮށްލީ ސަރުކާރުން ގަސްތުގައި ކަމަށާއި މީޑިއާތަކުން ރިޕޯޓު ކުރީ ލީކުވި ސިޓީއެއް ކަމަށް ބުނެގެން ކަމަށެވެ. ކަނޑު ވިއްކާލުން ނުވަތަ ކަނޑުން ބައެއް ދޫކޮށްލުމުގެ ވާހަކަ އެ ސިޓީގައި ނުވޭ ނޫންތޯ ދެންނެވުމުން ވިދާޅުވީ އެއީ އެޓްލަސްގައި ވަކާލާތު ކުރީ މަޖުލީހުގެ ރުހުން ނުހޯދާ ކަމަށާއި އެއީ ޕީޕީއެމުން އަބަދުވެސް ކަންބޮޑުވުން ފާޅުކުރި ކަމެއް ކަމަށެވެ. ކަނޑު ވިއްކާލި ކަމަށްބުނެ ވާހަކަ ދެއްކީ އޭރު އެކަމަށް އެއްވި ސިޔާސީ ބައެއް ކަމަށާއި ޕީޕީއެމުން އެހެން އެގޮތަށް ރަސްމީކޮށް ބުނެފައި ނުވާނެ ކަމަށެވެ.
ޑރ. މުއިއްޒު ކެމްޕޭނުގައި އުޅުއްވާ ޕީޕީއެމް އޮފިޝަލަކު ފަހުން ވިދާޅުވީ އެ ސިޓީގެ ސައްހަކަން ބެލުމަށް ފަހު ޖަވާބެއް ދެއްވާނެ ކަމަށެވެ.
އެ ސިޓީގައި ރައީސް ސޯލިހު ވަނީ ރާއްޖެއަކީ އަބަދުވެސް އިސްތިއުމާރާ ދެކޮޅަށް އޮތް ގައުމެއް ކަމަށާއި އދ. ގައި މޮރިޝަސްއިން އިސްތިއުމާރާ ދެކޮޅަށް ހުށަހަޅާފައިވާ މައްސަލައިގައި ރާއްޖެއިން މޮރިޝަސްއާ އެއްކޮޅަށް ވޯޓުދޭނެ ކަމަށެވެ.
މީގެ އިތުރުން އެ މައްސަލައާއި އިޓްލޮސްއަށް ހުށަހަޅާފައިވާ މައްސަލައިގައި ރާއްޖޭގެ ސްޓޭންޑް ބަދަލުނުވާ ކަމަށް ވިދާޅުވެފައިވެއެވެ.
އިދިކޮޅުން މީގެ ކުރިން ވަނީ އެ ސިޓީއަކީ ރާއްޖޭގެ ކަނޑުން ބައެއް މޮރިޝަސްއަށް ދިނުމަށް ފޮނުއްވި ސިޓީފުޅެއް ކަމަށް ތުހުމަތުކޮށްފައެވެ. ނަމަވެސް އެފަދަ އެއްވެސް ވާހަކައެއް އެ ސިޓީގައެއް ނެތެވެ.
ކޮބާ ދެން ބުނާނީ ކީކޭ. ސަރުކާރު ބަދުނާމު ކުަން ޖެހިި މަޅިން ފަލީޙަތް ވީ އިދިކޮޅު މީހުން.