އެސްޓިއޯއިން ވިއްކަމުންދާ ތެލުގެ އަގު ހެޔޮކޮށްފިއެވެ.
އެކުންފުނިން ވަނީ ޑީސަލް ލީޓަރަކުން 70 ލާރި އަދި ޕެޓްރޯލް ލީޓަރަކުން 35 ލާރި ކުޑަ ކޮށްފަ އެވެ.
ތެލުގެ އަގަށް މިގެނެވުނު ބަދަލާއި އެކު ފިއުލް ސަޕްލައި މޯލްޑިވްސްގެ ސްޓޭޝަން ތަކުން މިއަދުން ފެށިގެން ފެޓްރޯލް ލީޓަރެއް ވިއްކާނީ 13.98ރ. އަށެވެ. އަދި ޑީސަލް ލީޓަރެއް ވިއްކާނީ 13.92ރ. އަށެވެ.
މި ބަދަލު އެސްޓީ އޯ އިން ގެނެސްފައި މިވަނީ ދުނިޔޭގެ ބާޒާރުގައި ޕެޓްރޯލާއި ޑީސަލުގެ އަގު ހެޔޮވެފައި ވާތީ ކަމަށް އެކުންފުނިން ހާމަ ކުރެއެވެ.
އެސްޓިއޯއިން ހާމަ ކުރި ގޮތުގައި، އެކުންފުނިން އަބަދުވެސް މަސައްކަތްކުރަނީ ކުންފުނިން ފޯރުކޮށްދޭ އެންމެހާ ޚިދުމަތްތަށް ހުއްޓުމެއްނެތި، ފަސޭހަކަމާއެކު ދެމެހެއްޓެނިވި ގޮތެއްގައި ރައްޔިތުންނަށް ފޯރުކޮށް ދިނުމަށްށެވެ.
ދުނިޔޭގެ ބާޒާރުގައި ތެލަށް އަންނަ ބަދަލާއި ގުޅިގެން ރާއްޖޭގައި ވިއްކަމުންދާ ޕެޓްރޯލާއި ޑީސަލުގެ އަގުތަކަށް ބަދަލުތައް އަންނަމުން ދާނެ ކަމުގައި އެސްޓިއޯއިން ހާމަ ކުރެއެވެ.
