މިދިޔަ ބުރާސްފަތި ދުވަހު، އުނގޫފާރުގައި މަގުމަތީގައި ކުޅެން އުޅުމުގެ ތެރޭގައި ކަރަންޓުގައި ޖެހުނު ކުއްޖާސަލާމަތް ކުރުމަށް މަސައްކަތް ކުރަނިކޮށް އަނިޔާވި 18 އަހަރުގެ ފިރިހެން ކުއްޖާއިތުރު ފަރުވާއަށް މާލެ ގެނެސްފިއެވެ.
އުނގޫފާރު ހޮސްޕިޓަލުގައި އައިސީޔޫގައި ފަރުވާ ދިނުމަށްފަހު އިިއްޔެ އިތުރު ފަރުވާއަށް މާލެ ގެނެސްފައި މިވަނީ ހުސައިން އަތީކް ނަމަކަށް ކިޔާ 18 އަހަރުގެ ފިރެހެން ކުއްޖެކެވެ.
އެކުއްޖާގެ ހާލު ސީރިއަސް ކަމަށްށާއި އަދިވެސް އޮތީ ވެންޓިލޭޓަރުގައި ކަމަށް އާއިލާއިން މަޢުލޫމާތު ދެއްވައެވެ.
މިހާދިސާގައި ހިނގަން ދިމާވީ އެ ރަށުގެ މަގުމަތީގައި ހުރި ހޮޅިދަނޑިއަކުން ފެންގަނޑަށް ކަރަންޓް އައިސްފައި ވަނިކޮށް، ފުރަތަމަ ކަރަންޓުގައި ޖެހުނު 8 އަހަރުގެ ކުއްޖާ ސަލާމަތް ކުރުމަށް އަތީކު މަސައްކަތް ކުރަނިކޮށް ފެންގަނޑަށް ވެއްޓި ކަރަންޓު ހުރި ހޮޅިދަނޑީގައި އައްލެވުމުންނެވެ.
މިހާދިސާއާއި ގުޅިގެން މި މަންޒަރު ފެނިގެން ސަލާމަތް ކުރުމަށް އުޅުނު 12 އަހަރުގެ ކުއްޖަކަށްވެސް ފަރުވާ ދޭން ޖެހުނެވެ. ނަމަވެސް 8 އަހަރުގެ ކުއްޖާއާއި 12 އަހަރުގެ ކުއްޖާއަށް ފަރުވާ ދިނުމަށްފަހު ވަނީ ދޫކޮށްލާފައެވެ.
