މިހާރު ރާއްޖެއަށް ކުރަމުން މިދާ ވިއްސާރައިގައި، މާލޭގެ ސްޓޭޑިއަމްގައި ހަރުކޮށްފައި ހުރި ފެންސުތަކަށް ގެއްލުންތަކެއް ލިބިފައިވާތީ ރައްކާތެރި ކަމުގެ ގޮތުން،އެސަރަހައްދުގެ ބައެއް މަގުތައް ފުލުހުން ވަނީ ބަންދުކޮށްފައެވެ.
މިކަމާއި ގުޅިގެން އަމީނީމަގުގެ ދެކުނު ފަޅިން ހިލާލީ މަގުން ފެށިގެން މާފަތްތަކުރުފާނު މަގާއި ހަމައަށް ބަންދުކޮށްފައިވާ ކަމަށް ފުލުހުން މައުލޫމާތު ދެއްވައެވެ.
އެހެންކަމުން މިސަރަހައްދުން ދަތުރުފަތުރު ކުރުމުގައި އާންމުން ސަމާލުވުމަށްވެސް މޯލްޑިވްސް ޕޮލިސް ސާވިސްއިން އެދި ލައްވައެވެ.
މިދުވަސްވަރަކީ ކަނޑުގަދަ ވިއްސާރަ ދުވަސްވަރަކަށް ވުމާއިއެކު ރާއްޖޭގެ އެކި ހިސާބުތަކަށް ދަނީ އެކިވަރުގެ ގެއްލުންތައް ވަމުންނެވެ. އެގޮތުން ރައްކާތެރިކަމުގެ ފިޔަވަޅުތައް އެޅުމުގައި ރައްޔިތުންނާއި އެންމެ ގާތުން މަސައްކަތް ކުރާ ބައެއްގެ ގޮތުގައި ދިވެހި ފުލުހުން ފާހަގަ ކުރެވެއެވެ.
