ދިވެހިރާއްޖޭގެ ބޮޑު ސަރަހައްދަކަށް ޔެލޯ އެލާރޓް ނެރެފިއެވެ. މޫސުމާއިބޭހޭ ޤައުމީ އިދާރާ ، މޯލްޑިވްސް މީޓިއޮރޮލޮޖިކަލް ސާވިސް (މެޓް) އިންވަނީ މިއަދު 14:30 އިން ފެށިގެން 18:30 އާއި ދެމެދު ހއ އަތޮޅުން ފެށިގެން ތ. އަތޮޅާއި ދެމެދުގައި ހިމެނޭ ރަށްތަކަށް ޔެލޯ އެލާރޓް ނެރެފައެވެ.
މެޓް އޮފީހުން މައުލޫމާތުދޭ ގޮތުގައި މިސަރަހައްދުގައި ގަަޑިއަކު 28 މޭލާއި 35 މޭލާއި ދެމެދުގެ ބާރުމިނެއްގައި ވައިޖެހޭނެކަމަށް ލަފާކުރެވެއެވެ. އަދި ވިލާގަނޑުގައި ގަޑި އަކު 55 މޭލަށް ވައިގަދަވާނެކަމަށްށާއި ކަނޑުތައް ވަރަށް ގަދަވާނެކަމަށްވެސް ލަފާކުރެވޭކަމަށް މައުލުމާތު ދީފައިވެއެވެ.
މެޓް އޮފީހުންލަފާކުރާ ގޮތުގައި ރާއްޖެއަށް ކުރަމުންމިދާ ވިއްސާރައިގައި މިއަދު އިރުއޮއްސި 6 ޖެހުމާއި ހަމައަށް ރާއްޖޭގެ އުތުރާއި މެދުރާއްޖެތެރޭގެ އެކި ހިސާބުތަކަށް ގުގުރުމާއިއެކު ވާރޭ ވެހޭނެއެވެ. އަދި ދެކުނުގެ އެކި ހިސާބުތަކަށް ކެރީގެ އަސަރު ފޯރާނެކަމަށް ބެލެވޭ ކަމަށްވެސް މެޓް އޮފީހުން ބުނެފައިވެއެވެ.
މިދުވަސް ވަރަކީ ސްކޫލް ކުދިންގެ ޗުއްޓީ ދުވަސްވަރު ކަމަށްވެފައި، ގިނަ ބަޔަކު ދަތުރު ފަތުރު ކުރާ ދުވަސްވަރަކަށްވާތީ ދަތުރުފަތުރު ކުރުމުގައި މޫސުމަށް ބަލައި ރައްކާތެރިވުމަށް މޫސުމާއިބެހޭ ވުޒާރާއިން އަބަދުވެސް ރައްޔިތުންނަށް އިލްތިމާސް ކުރެއެވެ.
