ދެކުނުގެ އަތޮޅުތަކަށް ރައީސް ޑރ.މުހައްމަދު މުއިއްޒު ކުރައްވަމުން ގެންދަވާ ދަތުރުފުޅުގައި ގދ.ގައްދޫއިން ލިބުނު ތަރުހީބަށް ހިތްހަމަ ނުޖެހި، ކައުންސިލަށް ވަރަށް ބޮޑަށް ފާޑުވިދާޅިުވެއްޖެއެވެ. ރައީސް ޑރ.މުއިއްޒު ގައްދޫއަށް ވަޑައިގަތުމުން އެރަށުން މަރުހަބާ ކިއުމަށްވެސް ނުކުތީ ނިސްބަތުން މަދު އަދަދެެކެވެ. މީގެ އިތުރުން ކައުންސިލާއި ބައްދަލު ކުރުމަށް ބޭއްވި ބައްދަލުވުމަށްވެސް ރަށުގެ އެއްވެސް ކައުންސިލެއް، ވެރިއެއްވެސް ހާޒިރެއް ނުވެއެވެ. ގައްދޫ ރައްޔިތުންނާ ރައީސް ބައްދަލުކުރި ޖަލްސާގައި ކައުންސިލުގެ ރައީސްގެ ވާހަކަ ދެއްކެވުން އެޖެންޑާގައި ހިމަނާފައި އޮތަސް އެ ނަމްބަރު ޖެހުނުއިރުވެސް ކައުންސިލުގެ ރައީސް ހާޒިރުނުވެއެވެ. އެ ބައްދަލުވުމުގައި ރައީސް ޑރ.މުއިއްޒު ވިދާޅުވީ ސިޔާސީ ގޮތުން ހިޔާލު ތަފާތުވުމާއި އަދި ކުރިއަށް އޮތް ރައްޔިތުންގެ މަޖުލީހުގެ އިންތިހާބަށް ކެންޑީޑޭޓުންނަށް ވޯޓު ދިނުމުގެ ހިޔާލު ތަފާތުވުން ތަކެއް ހުއްޓަސް އެއީ ލާމަރުކަޒީ ނިޒާމުގެ ރޫހާއި ހިލާފު ކަމެއް ކަމަށެެވެ. އެމަނިކުފާނު މިހާތަނަށް ކުރި ދަތުރުތަކުގެ ތެރެއިން އެންމެ އެއްބާރުލުން ކުޑަކޮށް ލިބުނީވެސް ގައްދޫ ކައުންސިލުން ކަމަށް ވިދާޅުވިއެވެ.
ގައްދޫއިން ވާހަކަދެއްކި މީހަކު ބުނީ ސަރުކާރާއި ދޭތެރޭ ހިތްހަމަ ނުޖެހުން އޮތީ ކައުންސިލުން އެކަނި ނޫން ކަމަށާއި ރައްތިތުންވެސް ވަރަށް ބޮޑަށް އޮތީ ހިތްހަމަ ނުޖެހިފައެވެ. މި ގޮތުން މި ފަހުން ޕީއެންސީ ޕްރައިމަރީ ކާމިޔާބު ކުރި ކެންޑިޑޭޓުގެ ބަދަލުގައި އެޑިޔުކޭޝަން މިނިސްޓަރުގެ ކޮއްކޮއަށްޓިކެޓު ދިނުމާއި، ކުރީ ސަރުކާރުން ފަށާފައިވާ އެތައް ޕްރޮޖެކްޓެއް ހުއްޓާލާފައިވާ ކަން ފާހަގަކުރިއެެވެ. އެ ރަށުގެ ޕީއެންސީއަށް ނިސްބަތްވާ މީހަކު މުރާސިލަށް މައުލޫމާތު ދެމުން ބުނީ އެމީހުން ސަރުކާރަށް ދެއްކި ކެންޑިޑޭޓުވަނި މުޅި ރާއްޖޭގެ ރައްޔިތުން ކުރިމަތީ ލަދު ގަންނަވާލާފައިވާ ކަމަށާއި،އެ ބޭފުޅާއަށް ނިސްބަތްކޮށް ވަރަށް ހުތުރު ބަދުނާމުތަކެއް ކުރަމުން އަންނަ ކަމަށެވެ. މިކަމުގައި ސަރުކާރުގެ ބައެއް މިނިސްޓަރުންވެސް ބައިވެރިވާތީ އެކަމާ ހިތާމަކޮށް ލަދުވެތިވާ ކަމަށްވެސް އެ ފަރާތުން ފާހަގަކުރިއެވެ.
