މިއަދު ކުރިއަށްދާ އެމްޑީޕީގެ ޗެއާޕާސަން އިންތިހާބުގައި ނަޝީދުގެ ސަޕޯޓަރުން ހަމަނުޖެހުން ހިންގަން ފަށައިފިއެވެ.
މި ގޮތުން ގދ.ފިޔޯރީގެ ވޯޓު ފޮއްޓެއް ފަޅާލައި އިތުރަށް ވޯޓުލުން ކުރިއަށް ނުގެންދެވޭ ވަރަށް ވަނީ ހަމަނުޖެހުން ހިންގާފައެވެ. މި ވަހުތަށް މެދުކެނޑިފައިވާ ފިޔޯރީގެ ވޯޓު ފޮށި ކައިރީގައި ހަމަނުޖެހުން ހިނގަން މެދުވެރިވީ އުވާލާފައިވާ ދަ ޑިމޮކްރެޓްސް ޕާޓީއަށް ނިސްބަތްވާ މީހަކު ވޯޓު ފޮށިކައިރީގައި މަޑުކުރުމުން އެކަމާ އިންތހާބުގެ އޮފިޝަލުން ހުރަސް އެޅުމުންނެވެ. އެމީހާ ވަނީ ވޯޓުފޮށި ފަޅާލައި އެހާތަނަށް ވޯޓު ލާފައިވާ ކަރުދާސްތައް އުކާލާފައެވެ. މި ހަމަނުޖެހުމުގައި ނަޝީދަށް ތާއިދުކުރާ އިތުރު އެކްޓިވިސްޓުންވެސް ފަހުން ވަނީ ބައިވެރިވެފައެވެ.
މީގެ އިތުރުންވެސް ގިނަ އަދަދެއްގެ ވޯޓު ފޮށި ބަހައްޓަން ހަމަޖެހިފައިވާ ތަންތަން ވަނީ ބަދަކުކޮށްފައެވެ. މި ކަމުގައި އިސްކޮށް ހަރަކާތްތެރިވަނީ ނަޝީދުގެ ކެމްޕޭނުގައި ބައިވެރިވާ އެމްޑީޕީގެ އިންތިހާބުތަކާ ބެހޭ އިސްވެރިއެއްގެ ގޮތުގައި ހުންނެވި މުއިއްޒުއެވެ. މި ޝަކުވާތައް މީކާއިލުގެ ކެމްޕޭނު ޓީމުން އެމްޑީޕީއަށް ހުށައަޅާފައި ވިޔަސް މުއިއްޒުވަނީ މި ކަމަށް އިންކާރުކޮށް، ނަޝީދު ބޭނުްންވާ ތަންތަނުގައި ވޯޓު ފޮށިތައް ބެހެއްޓުމަށް ނިންމާފައެވެ.
